Վայրը՝ Հյուսիսային դպրոց
Մասնակիցներ՝ 5 տարեկաններ
Ծրագրում.
«Երկնքի լույս Թուխ – մանուկներեն ցողված են այս մեր այգիների ողկույզները: Աստված օրհնեց մեր այգիները Նոյի տապանով, Մովսեսի տապանակով, Քրիստոսի Սուրբ Խաչով, Աստվածածնի արցունքով, Լուսավորչի լույս հավատով, Հաց ու գինի, Տեր կենդանի: Մեր այգիներն էլ միշտ պիտի առատ լինեն, ողկույզները՝ միշտ անսպառ»:
Օրհնված խաղողից այնուհետև ողկույզներ են տարվում դրվում լուսաղբյուրների և խաչքարերի վրա, «որպեսզի թռչնակներն էլ անմասն չմնան երկրի այս բարեբերությունից»:
— էս մի ճութը հողի պաշտպան հրեշտակին,
— Էս մի ճութը թռչուններին,
— Էս մի ճութը մուկ—մորեխին,
— Էս մի ճութը որբին ու աղքատին,
— Էս մի ճութը անցորդին,
— էս մի ճութն էլ Արեգակին, Լուսնյակին, Լուսաստղին…
Նույն օրհնված խաղողն է նաև, որ օրհնված գինի պիտի դառնա, և նույն խաղողից է, որ մարդիկ պահում են մինչև հաջորդ տարվա խաղողօրհնեք՝ որպես լիառատության ապահովման նշան:
«Բաղը քաղինք», «Քաղենք խաղողը» Խաղողօրհնեքի ծիսական երգերի կատարում
Ազգային խաղեր
Հայ ժողովրդական ազգային, բակային, մանկական, ծիսական խաղեր — տեսաֆիլմեր
Հայ ժողովրդական մանկական խաղեր
Ազգային-ծիսական խաղիկներ՝ «Մամի, մամի, խաղողը հասել է»
Խաղողքաղի և խաղող ճզմելու ծիսական երգեր` «Բաղը քաղինք», «Քաղենք խաղողը», «Էկեք ճզմենք քաղցր խաղող»
Նպատակը և խնդիրները՝
Ծանոթանալ խաղողի տեսակներին:
Խաղողաքաղի և խաղող ճզմելու ծիսական երգերի կատարում — ուսուցում, տարածում:
Ընթացքը՝ ուսումնասիրում ենք խաղողի տեսակները, գույները: Սովորողները առանձնացնում են խաղողը ողկույզից և ոտքերով, ձեռքերով ճզմում։ Ճզմած խաղողի հյութը տանում ենք Քոլեջի գինու դպրոց՝ խմորման։
Արդյունքում՝ սովորողները կմասնակցեն խաղողից գինու ստեղծման գործընթացին, կծանոթանան խաղողի տեսակներին։ Արդյունքները կհրապարակվեն բլոգում, ենթակայքում։
Քրիստինե Գրիգորյան 